23-октябрда Ош аймактык колледжинин студенттери менен «Келечек» коомдук фондунун ыктыярчылары "Шаардагы балдар үйлөрүнө жардам" акциясын уюштурушту. Активисттер бул жолку акцияны Ош шаарынын чыгыш дарбазасында өткөрдү. Акцияга катышкандар ар кандай таттууларды, тамак-аш жана мөмө-жемиштерди өткөн-кеткендерге сатышты. Мындан түшкөн каражат шаардагы балдар үйлөрүнө берилмекчи. Бул иш-чара Ош аймактык колледжи тарабынан акыркы эки жылдан бери уюштурулууда.