28-октябрда Хельсинки комиссиясынын жыйынында Өзбекстандык саясий бозгун Санжар Умаров келерки жылы болуучу президенттик шайлоонун алдында өлкөдөгү саясий негиз менен камалып отурган адамдарды бошотуу талабын коюуну АКШдан суранды.Оппозициялык коалициянын лидери “бүгүнкү күнү түрмөдө жаткан саясий туткундардын көпчүлүгү бошотулуусу керек, бул улуттук жарашууга жакшы кадам болмок” деп билдирди.
Адам укугун коргоочу Хьюман Райтс Уотч уюму Өзбекстанда камалып жаткан саясий туткундар түрдүү кыйноолорго кабыларын жазып чыккан.
