Бул тууралуу экономика министри Темир Сариевдин быйылкы он айдын жыйынтыгы боюнча жасаган баяндамасында айтылат. Маалыматка ылайык, тигүүчүлүк тармагында өндүрүлгөн товарлар өткөн жылга салыштырмалуу 18% аз. Сыртка экспорт кылуу да азайды.
Министр буга Орусия менен Казакстандын экономикасынын төмөндөшүн жана чет элдик түз инвестиция агымынын кыскарышын себеп кылып көрсөткөн.
Баяндамада айтылгандай, экономиканын бардык секторлорунда жыл башынан бери эле төмөндөө тенденциясы байкалып жатат. Бажы көзөмөлүнүн күчөшү жана Ошко газдын келбей калышы да буга негиз болууда. (SE)
