Кечээ Украинанын чыгышындагы Луганск облусуна Орусиядан 32 танк жана башка оор техника кирип келди. Бул тууралуу бүгүн украин армиясынын маалымат катчысы билдирди.
Украинанын Коопсуздук кеңешинин өкүлү Андрей Лысенко артиллериялык 16 система жана курал-жарак, башка амуниция менен аскерлерди, үч радар станциясын ташыган 30 чоң машине украин чек арасынан өткөнүн бышыктады.
Лысенко кошумчалагандай, акыркы 24 саатта кармаштарда кеминде беш жоокер окко учуп, 16сы жарадар болду.
