Бүгүн Бишкекте жана бир нече шаарларда жаштардын JashtarCamp деп аталган долбоорунун иш-чаралары өтүүдө. Аталган долбоордун Бишкектеги жыйынына катышып жаткан премьер-министр Жоомарт Оторбаев соңку шайлоолордо жаштардын добуш берүүгө катышуусу төмөн болгонун айтып, аларды шайлоого жигердүү катышууга жана түрдүү саясий уюмдар менен саясатка кирүүгө чакырды.
Оторбаев активисттерди Жаштар министрлигине да түрдүү сунуш, идеяларды берүүгө үндөдү. JashtarCamp долбоору быйылкы иш-чараларында илим, маданият, саясат жана бизнести талкуулоодо. (JAk)
