"Россия сегодня" медиа холдингинин өкүлчүлүгү Кыргызстанда Sputnik деген аталышта иштей баштады. Өткөн жумада расмий ачылышы болгон медиа мекеме жакын арада интернет аркылуу маалыматтык жана аналитикалык макалаларды жарыялап, радиосун да обого чыгармакчы.
Аталган компания Кыргызстан менен катар дагы 30дан ашуун мамлекетте түрдүү тилдерде ишмердик жүргүзөт.
Өткөн жума соңунда Грузия бийлиги өлкө аймагында Sputnik радиосунун обого чыгышына тыюу салган.
"Россия сегодня" мекемесинин жетекчиси Дмитрий Киселев Sputnik негизинен Батыштын эл аралык медиакомпанияларына атаандаш катары түптөлгөнүн билдирген болчу. (SE)
