Кыргызстан элдеринин ассамблеясы Ошто көп улуттуу үй-бүлөлөрдү сый дасторконго чакырат. Бул саамалык ассамблеянын ишмердигинин 20 жылдык мааракесинин алкагында өтөт.
20-ноябрга белгиленген иш-чарада Кыргызстанда жашаган улуттардын каада-салтына жана тамак-аштарына арналган көргөзмө уюштурулат.
“Көп улуттуулук- элибиздин байлыгы» деген аталыштагы маараке Ош шаарындагы 13 улуттук маданий борборлордун көмөгү менен өткөрүлмөкчү.
Кыргызстан элдеринин ассамблеясы 1994-жылы 23-ноябрда уюшулган. Өлкөдө сексенден ашуун улут өкүлдөрү жашайт. (YI)
