Чукул эскертүү:
24-25-ноябрга чейин күтүлүп жаткан катуу жаан-чачынга байланыштуу Кыргызстандын тоолуу райондорунда, Бишкек - Ош (121-137, 198-265- чакырымдары), Мырзаке - Кара-Кулжа - Алайкуу (45-90, 145-150- чакырымдары), Ала-Бука - Каныш-Кыя (62-100-чакырымдары), Каракол - Эңилчек (45-90-чакырымдары) жолдорунда кар көчкү коркунучу жана кар күрткүсү күтүлөт, жолдор тайгак болуп, муз тоңот. Автоунаалардын ортосунда 500 метр аралык сакталышы зарыл.
Аба ырайы:
24 ноябрда түнкүсүн айрым жерлерде жаан, кар жаайт. Зымдарга жана бактарга суу кар жармашат. Жолдор тонголок, тайгак болот. Батыштан соккон шамалдын ылдамдыгы секундасына 4-9 метрден, айрым жерлерде 17-22 метрге жетет.
Абанын температурасы:
Чүй өрөөнүндө түнкүсүн 0…-5 күндүз 0…5;
Талас өрөөнүндө түнкүсүн -1…-6, күндүз 0…5;
Баткен облусунда түнкүсүн -1…+4, күндүз 1…6;
Ош жана Жалал-Абад аймактарында түнкүсүн -2…+3, күндүз 2…7;
Ысык-Көлдө түнкүсүн 0…-5, күндүз -2…+3;
Нарын облусунда түнкүсүн -4…-9, күндүз -2…+3
Бишкекте 24-ноябрда түнкүсүн жаан-чачын күтүлбөйт, күндүз жаан, кар жаайт. Батыштан соккон шамалдын ылдамдыгы секундасына 4-9 метрден 14 метрге жетет. Абанын түнкү төмөнкү температурасы 1…3° суук, күндүзгү жогорку температурасы 2…4 градус жылуу болот.
