НАТО тышкы иштер министрлеринин Брюсселдеги талкуусунун негизги темалары - Украинадагы кризис жана Орусия – Батыш мамилелеринин бузулушу. Мурдараак НАТОнун баш катчысы Йенс Столтенберг “2014-жыл агрессиянын, кризистин жана жаңжалдын жылы болду” деп айткан. Столтенбергдин баамында, Орусия евро-атлантикалык коопсуздукка көлөкө түшүрдү.
Министрлер НАТОнун ыкчам аракет этүүчү корпусун түзүү жана альянска кирбеген Чыгыш Европа өлкөлөрү менен чек ара аймактардагы аскерий топторуна байланыштуу маселелерди да талкууга алууда.
Брюсселдеги жыйында Украинанын куралдуу күчтөрүн модернизациялоо үчүн фонд түзүү маселеси да чечилет.
