Ош шаардык соту мурдагы мэр Мелис Мырзакматовго эстакада көпүрөнүн курулушу боюнча кылмыш ишин козгоп, издөө жарыялады. Бул аракетти экс-мэрдин тарапташтары “саясий куугунтук” деп аташты. Бирок бийликтегилердин ишениминде, Мелис Мырзакматов күнөөлүү. “Ыңгайсыз суроолор” берүүсүнүн кезектеги чыгарылышы ушул темага арналды. Талкууга Жогорку Кеңештеги КСДП фракциясынын лидери Чыныбай Турсунбеков менен Мелис Мырзакматов жетектеген “Улуттар биримдиги” партиясынын саясий кеңешинин мүчөсү Кубан Мамбеталиев катышты.