Евразия экономикалык биримдигине кирген мамлекеттердин президенттеринин Москва саммити 23-декабрга белгиленген. Бул саммит анда Кыргызстандын Бажы биримдигине кирүүсү боюнча келишимге кол коюла тургандыгы менен да маанилүү. Евразия экономикалык биримдигинин биринчи баскычы саналган Бажы биримдиги Кыргызстанга кандай өзгөрүүлөрдү алып келет жана кымбатчылык каптайт деген божомолдорунун чын-төгүнү канчалык? "Азаттык +" кезектеги чыгарылышында Бажы биримдигине кирүүдөгү тобокелдиктерди иликтөөгө алды.