Орус рублинин арзандоосу уланууда. Кечээ, 11-декабрда Москва биржасында анын курсу кезектеги рекорддук төмөндөөгө жетип, доллар 55 рублден ашты, ал эми евро 68,5 рубл болду.
Орус экономикасына жагымсыз мындай көрүнүш дүйнөлүк базарда мунайдын баасы да кескин төмөндөп кеткен учурда орун алууда. Өлкөнүн Борбордук банкы бейшемби күнү негизги ставканы дагы бир пунктка көтөрдү. (RK)
