Орусиянын Федералдык миграция кызматынын жетекчиси Константин Ромадановский ал жакта мыйзамсыз иштеп жүргөн чет элдик мигранттарга Жаңы жыл майрамын өз мекенинде тосууну сунуштады. Бул тууралуу “РИА-Новости” агенттиги кабарлады.
Ромадановский мурдараак мыйзам бузган мигранттарга Орусияга кирүү укугун чектөө мөөнөтүн узартуу зарылдыгын айткан болчу.
Расмий эсепте Орусияда 500 миңден ашуун, бейрасмий миллиондон көп кыргызстандык жаран иштеп жатат. Рубль кунунун түшкөнүнө байланыштуу алардын кирешеси азайганын адистер белгилешүүдө. (SE)
