Орусиянын Борбордук банкы рублдин кунун качырбоо үчүн 15-декабрда проценттик ставкасын 10,5тен 17 процентке жеткирген. Анын алдында рубль бир күндө 10 процентке кубатын жоготуп, 1 АКШ доллары 64 рублге сатыла баштаган. Борбордук банк проценттик ставканы жогорулаткандан кийин 1 доллар 60 рублге бааланган эле. Бирок бүгүн Москвада 1 доллар баасы кайра 64 рублга чыкты. Жыл башынан бери рубль 50 процентке жакын арзандады.
