Орусиянын президенти Владимир Путин өлкө экономикасындагы олку-солкуну сырткы факторлор, анын ичинде мунайдын дүйнөлүк баасынын арзандашы менен байланыштырды. Жылдык пресс-конференцияны баштап жатып, президент "Орусиянын экономикасы “сөзсүз” оңолот, буга эки жылдай убакыт кетет", - деди.
- Бул аралыкта экономиканы диверсификациялоо багытында кадамдар жасалууга тийиш, - деди Путин.
Анын айтымында, Борбордук банк жана өкмөт азыркы экономикалык кырдаалда туура чара көрүп жатат, бирок ошол чаралар сапаттуу жана өз убагында жасалууга тийиш.