Бүгүн, 20-декабрда Сариева Эльвира мурда ээлеген кызматынан бошотулуп, Кыргыз Республикасынын билим берүү жана илим министри болуп дайындалды. Аталган буйрукка президент Алмазбек Атамбаев кол койду. Бул тууралуу Президенттик аппараттан маалымдашты.
Кечээ, 19-декабрда депутаттар Сариеванын министрликке талапкерлигин колдогон. Сариева социалдык блок боюнча вице-премьерлик кызматты быйыл сентябрдан бери аркалап келген. Ал КСДП фракциясынан министрлик кызматка сунушталган соң анын ордуна депутат Дамира Ниязалиеванын талапкерлиги көрсөтүлгөн. (TSh)