33 жаштагы келиндин өлүмүнө шектелип, Араван районунун төрт тургуну кармалды. Бул тууралуу «Азаттыкка» Ош облустук милициясынын маалымат катчысы Замир Сыдыков кабарлады.
Сентябр айынын башында каза болгон келиндин өлүмүнө шектелип, анын күйөөсү жана кайын журтунан дагы үч адам кармалган.
Маалыматка караганда Ош шаардык ооруканасында эмгектенген аялдын кайын журту аны жеңил ойлуулук үчүн күнөөлөп, ушул ишке барышкан деп айыпталышууда.
Каза болгон келиндин денеси Кыргызстандан агып, Өзбекстандын Фергана облусуна баруучу каналдан табылган.
Учурда аларга "адам өлтүргөн" деген айып тагылды. (YI)
