Линктер

ЧУКУЛ КАБАР!
28-Март, 2024-жыл, бейшемби, Бишкек убактысы 19:14

ИИМ Мелис Мырзакматовду издөө боюнча Интерполго кайрылды


Мелис Мырзакматов.
Мелис Мырзакматов.

Бул тууралуу ИИМдин маалымат кызматынын өкүлү Эрнист Осмонбаев “Азаттыкка” билдирди. Анын айтымында, кыргыз милициясы Мырзакматовго байланыштуу документтердин баарын Интерполго өткөрүп берген.

- Мырзакматовду издөө боюнча Интерполго кайрылдык. Азыр алар документтер менен таанышып жатышат. Биздин өтүнүчтү кабыл алгандан кийин гана Мырзакматовго эл аралык издөө саылнат, - деди Осмонбаев.

ИИМден ырасташкандай, Оштун экс-мэри учурда Кытайда жүрүшү мүмкүн.

Башкы прокуратура 27-ноябрда Мелис Мырзакматовго Кылмыш-жаза кодексинин 304-беренесине ылайык иш козгоп, анын негизинде Ош шаардык соту камакка алуу чечимин чыгарып, издөө жарыяланган. Экс-мэрге Оштогу Навои көчөсүндөгү көпүрөнү курууда кызмат абалынан кыянаттык менен пайдаланып, бир катар мыйзамдарды бузган деген айып тагылган. Мырзакматовдун тарапкерлери муну "саясий куугунтук" катары баалашууда. (UEz)

XS
SM
MD
LG