Президенттин маалымат катчысы Кадыр Токтогулов Кыргызстандын АКШдагы элчиси кызматына сунушталууда. Бул тууралуу парламенттин эл аралык иштер боюнча комитетинен кабарлашты.
Анын талапкерлигин аталган комитет 29-декабрда карайт. Президент элчини кызматка дайындоо үчүн парламент комитетинин макулдугу керек.
Өлкөнүн АКШдагы азыркы элчиси Мухтар Жумалиевдин кызмат мөөнөтү аяктады. 34 жаштагы Кадыр Токтогулов 2012-жылдан бери Алмазбек Атамбаевдин маалымат катчысы болуп иштеп келет. (UEz)
