Кыргызстандын Улуттук банкы өлкөдө сомдун курсун тең салмактоо үчүн валюта базарына дагы 6,6 миллион доллар интервенциялады. Бул тууралуу банктын расмий сайтында кабарланды. Улуттук банк өткөн жумада эле 19 млн. долларды сатыкка чыгарган.
Жыл башынан бери Улуттук банк жалпысынан 475,6 миллион доллар интервенциялады. Учурда Кыргызстандын акча-алтын корунун көлөмү 2 миллиард 20 миллион долларды түзөт. (UEz)
