Индонезиянын адмиралы Сиджит Сетиаян аба ырайынын жакшыруусу менен Малайзия жана Сингапурдун кемелеринин жардамында учакты издөө иштери кайрадан уланганын айтты. Малайзиянын AirAsia учагы ичиндеги 162 жүргүнчүсү менен кошо 28-декабрда радардан кайым болуп, ошол бойдон дайынсыз жоголгон. Айрым маалыматтар боюнча бир аз мурдараак учак аба-ырайынын начардыгынан улам өйдө көтөрүлүүгө уруксат сураган.
Индонезиянын вице-президенти Юсуф Кала жоголгон учак кыйроого учураган болуусу ыктымалдыгын айтты.
