Бул тууралу "Азаттыкка" Ош шаарындагы “Ак жүрөк” кризистик борборунун жетекчиси Дарикан Асилбекова билдирди.
Анын айтымында, аялдардын укуктарын коргогон мыйзамдар аткарылбай жатат. Соттордун чыгарган чечимдери кагазда калып, мүлктү бөлүү, алимент төлөтүү иштери кыйын болууда. “Аялдар күйөөсү менен 15-20 жыл бирге жашап, 4-5 балалуу болгонуна карбай көчөдө калууда. Арасында аялга мүлк бөлүп берүү тургай кийимин чечип алып кубалап чыккан учурлар катталууда”, -дейт Дарикан Асилбекова.
2014-жылда “Ак жүрөк” кризистин борборуна 824 аял кайрылган. Анын 60% мүлккө болгон укуктары бузулганын айтып арызданышкан. (YI)
