1-январдан тарта Эстониянын Астанадагы элчилиги НАТОнун байланыш борбору катары да иштей баштады. Бул тууралуу Эстониянын Тышкы иштер министрлигинен кабарлашты. Маалыматка ылайык, аталган элчилик мындай миссияны эки жыл аркаламакчы.
НАТОнун байланыш борборлорунун максаты ал өлкөлөрдө альянстын ишмердигин чыңдоого багытталган. Мындай борборлор 1992-жылдан бери бир нече өлкөдө иштеп келет.
