Киевде орусиялык LifeNews телеканалынын кабарчыларына кол салууга шектелген адам кармалды. Бул тууралуу Киевдин шаардык милициясынан кабарлашты. 1-январда Украинадагы улутчул баатыр саналган Степан Бандеранын туулган күнүнө карата жүрүш учурунда LifeNews'тун кабарчысы Жанна Карпенко менен оператор Александр Ульяновго белгисиз беткапчан адамдар кол салганы кабарланган. Милиция бул фактыны ырастап, кылмышка шекүүлөр оператордун видеокамерасын сындырып, журналисттин чөнтөк телефонун тартып алганын маалымдады.
