Бул тууралуу “Азаттыкка” Ысык-Көл облустук жол кайгуул кызматынын башчысы Азамат Исраилов билдирди.
Маалыматка ылайык, кармалган айдоочу Каракол шаарынын 26 жаштагы тургуну. Ал “Мазда” үлгүсүндөгү автоунаасы менен 31-декабрда саат 23:45 чамасында Каракол шаарынын көчөлөрүнүн биринде жөө жүргүнчүнү коюп, качып кеткен. Оор жаракат алган адам ошол жерден жан берген.
Учурда кармалган жаран күнөөсүн мойнуна алып, кылмыш иши козголду. Ага карата 281-берененин негизинде айып коюлду. (МKo)
