Казакстандын Акмоло облусунда унаасы бузулуп, суукта калган кичи автобустун жүргүнчүлөрү - 18 кыргыз жараны куткарылып, тиешелүү жардамдар берилди. Бул тууралуу Казакстандын маалымат каражаттары жазып чыгышты. Маалыматка ылайык, Ош-Москва каттамында бара жаткан “Фольксваген” үлгүсүндөгү кичи автобус 11-январдын түнүндө бузулуп, жолдо калган.
Казакстандын Акмоло облусунда бул күндөрү аба ырайы -13... -20 градус суук болууда.