БУУнун өкүлү Исмаил Ульд Шейх Ахмед Башкы ассамблеянын жыйынында билдиргендей, эбола вирусу менен күрөшүүдөгү соңку жылыштарга карабай, Батыш Африкада акыркы үч аптада 1000ге жакын учур катталды. Андыктан эболанын “глобалдык коркунучу сакталууда”.
Бирок БУУнун эболага каршы чара көрүү миссиясынын башчысы Шейх Ахмед жалпысынан вирусту жаңы жуктургандардын саны азайа баштаганын белгиледи. Анын айтымында, бул дүйнө өлкөлөрү көргөн медициналык, логистикалык, каржылык чараларга, Батыш Африкага 2,5 миллиард доллардык жардам көргөзүлгөнүнө байланыштуу болду, Анткени мындан үч ай мурда эле эболаны жуктургандардын саны жумасына 10 миңге чейин жетиши мүмкүн деп болжолдонгон. (UE)
