Кечээ парламент Аида Салянованын башпрокурорлуктан өз каалоосу менен кетүү боюнча арызын канааттандырган. Президент Алмазбек Атамбаев аны негиз кылып, бүгүн Салянованы кызматтан алуу боюнча буйрукка кол койду.
Аида Салянова 2014-жылдын 23-декабрынан бери жумушка чыга элек болчу. Башпрокуратуранын маалымат кызматы аны ошол күндөн тарта эмгек өргүүсүнө чыкты деп кабарлаган.
42 жаштагы Аида Салянова 2011-жылдын 14-апрелинен бери башкы прокурор кызматын аркалап келген. (МТо)
