Кыргызстандын 21 жашка чейинки футбол курамасы Санкт-Петербург шаарында өтүп жаткан Шериктештик кубогунда 5-8-орун үчүн беттеште Тажикстан курамасын утуп алды. Мелдештин расмий сайтындагы маалыматка таянсак, 23-январь күнү кечки саат 19:00до аяктаган беттеш 3:1 эсебинде аяктаган.
Эми Кыргызстандын жаштар курамасы Шериктештик кубогунун оюндарында бешинчи орун үчүн 25-январда Орусия курамасы менен ойнойт. Мелдеш Бишкек убактысы боюнча саат 16:15те башталат.
Буга чейин тайпалык тандоо оюндарында аталган эки курама беттешип, 2:1 эсебинде орус футболчулары кыргызстандыктарга утулган эле. Ал беттештен кийин Кыргызстан беш упай топтоп В тайпасында биринчи орун менен Шериктештик кубогунун тарыхында алгачкы жолу плей-оффко чыккан.
Кыргыз футболчулары чейрек финалдык беттеште Финляндия оюнчуларына 1:0 эсебинде утулуп, баш байге үчүн таймашууларын токтоткон. (ECh)
