Ош-Эркечтам-Кара-Мык багытындагы үч жолдун кесилишинде жайгашкан Сары-Таш айылында милиция бөлүмчөсү ачылат. Бул тууралуу ички иштер министри Мелис Турганбаев Алай районунун эли менен жолугушуу учурунда билдирди.
Министр Сары-Таш айылына милиция бөлүмчөсү үчүн шарттары түзүлгөн эки контейнер берилээрин убада кылды.
Буга чейин кыргыз-кытай, кыргыз-тажик чек арасына жакын турган Сары-Таш айылында бөлүмчө үчүн зарыл болгон имараттын жоктугунан улам жергиликтүү тургундун үйү пайдаланылып келген. (YI)