АКШнын атайын кызматы Ак үйгө 60 сантиметрлик дрон келип тийгенин кабарлады. Учкучсуз аппараттын Ак үйгө тийгенин нөөмөттө турган офицер байкаган. Мындан соң дароо Ак үйдө коопсуздук чаралары күчөтүлдү. Аппараттын кайдан учурулганы азырынча белгисиз. Бул боюнча атайын тергөө башталды.
Окуя болгон учурда президент Барак Обама жана жубайы Мишел Индияда расмий сапар менен жүргөн.
