28-январда Коррупцияга каршы күрөшүү боюнча координациялык кеңештин өкүлдөрү Бишкекте Аида Салянова менен жолуккан учурда экс-баш прокурор кызматтан кетүүгө аргасыз болгонун айтты. Бул тууралуу жергиликтүү маалымат агенттиктери кабарлышты.
Маалыматтарга ылайык, Салянова башкы көзөмөл органын жетектеп турганда анын кызмат ордунда калуусу үчүн бир топ иштерди жасоо сунушталган. Ал мунун чоо-жайы жана келечек пландары тууралуу жакында коомчулукка маалымдарын айтты.
Ошондой эле Салянова Кыргызстандан эч жакка кетпегенин, кызматтан четтегенден бери Бишкекте эле жүргөнүн тастыктады.
