Бул тууралуу “Азаттыкка” Ысык-Көл облустук ички иштер башкармалыгынын маалымат катчысы Сталбек Усубакунов билдирди. Маалыматка ылайык, 26-январь күнү райондук милицияга Ырдык айылынын тургуну арыз менен кайрылган. Анда 9-класста окуган небереси жогорку класстын окуучусуна 5 миң сом акча бергени жазылган. Ыкчам иликтөө иштери учурунда 10-класстын окуучусу арызданган баладан 1000 сом опузалап алып жаткан учурунда кармалган.
Учурда бул факты боюнча 170-берененин негизинде (опузалоо) кылмыш иши козголду. (МК)
