Сербиялык Новак Жокович (Djokovic) 5-жолу теннис боюнча Австралиянын ачык чемпионатын жеңди. Финалда дүйнөнүн биринчи ракеткасы британиялык Энди Мөррейди 4 сетте утуп алды.
Буга чейин эки теннисчи бул турнирдин финалында 2011-жылы жана 2013-жылы беттешип, эки ирет тең Жокович жеңген.
Оюн жүрүп жаткан учурда Австралиянын качкындар боюнча саясатына нааразылыгын билдирген бир киши теннис кортуна чуркап чыгып, коопсуздук кызматкерлерине кийлигишүүгө туура келди.
31-январда "Чоң туулга" тобуна кирген турнирдин аялдар арасындагы финалында америкалык Серена Уильямс айым орусиялык Мария Шарапованы жеңген.