Тажикстандын прокуратурасынын өкүлү “Азаттык” радиосуна 2-февралда билдиришинче, Орусиянын Кулябдагы 2001-аскер базасынын Чемизов деген капитаны өткөн аптада шаардагы бир ресторандын официантын катуу сабап салган деп шектелүүдө.
Былтыр жайында Душамбедеги 2001-аскер базасынын эки кызматкери Рахимжон Тешебаев деген жергиликтүү жаранды өлтүрүп койгон деп шектелип, камакка алынган. Алардын иши дале тергөөдө.
Тажикстандын үч жеринде жайгашкан орусиялык базада бардыгы 7 миңдей аскер жайгашкан.
Экс-советтик республикалардын ичинен Арменияда Орусиянын эң чоң аскер базасы бар. Армениядагы базанын жоокери өткөн айда бир үй-бүлөнүн жети мүчөсүн мыкаачылык менен өлтүргөн деп шектелүүдө. Кандуу окуя өлкөдө нааразылыктарды жараткан.