Бүгүн президент Алмазбек Атамбаев саламаттыкты сактоо министри Таланбек Батыралиевди кабыл алды. Жолугушууда министрлик тарабынан кызылча оорусунун алдын алуу жана дарылоо боюнча көрүлүп жаткан чаралар туурасында маалымат берилди. Өлкө башчысы министр менен мамлекеттик-жекече өнөктөштүк негизде жаңы медициналык мекемелерди куруу, саламаттыкты сактоо тармагын реформалоо, коррупциялык көрүнүштөрдү жоюу маселелерин талкуулады. Бул тууралуу президенттик аппараттын маалыматтык саясат бөлүмүнөн кабарлашты. (КЕ)
