Ош мэриясынын жетекчилиги жана шаардык кеңештин депутаттары бүгүн, 5-февралда калаа бюджетинин абалы, быйылкы аткарыла турган жумуштар тууралуу коомчулукка баяндама жасайт. “Интербилим” уюмунун Оштогу филиалынан “Азаттыкка” билдиришкендей, бюджеттик угууга шаардын тургундары катышып, суроо-талаптарын айтса болот. Күн тартибине негизинен эки маселе – Ош шаарынын бюджети кимдин кызыкчылыгын көздөйт жана сиз жашаган аймактын көйгөйлөрүн чечүү жылдык планга киргизилгенби?- деген суроолор коюлган. (SE)