Бирмадагы Кытай менен чектешкен Шан штатындагы коканг этникалык тобунун козголоңчулары менен кагылышта 47 аскер набыт кетип, 73ү жараат алды. Бирманын мамлекеттик маалымат каражаттарынын жазышынча, 200гө жакын козголоңчу аскердик базага чабуул койгон соң башталган кагылышуу үч күнгө созулган. Козголоңчулар тараптан канча адам жабыр тартканы кабарлана элек. Бул окуя акыркы эки жылдагы эң ири чатак болуп калды.
