Жарандык агартуу мектебинин мүчөлөрүнө саясатчы Кубатбек Байболов Кыргызстандагы конституциялык өнүгүүнүн тарыхы тууралуу сабак өттү. 14-февралда уюштурулган иш-чарада Кыргызстан эгемендик алгандан бери Баш мыйзам талаптарынын толук аткарылбай жаткан себептери талкууланды. Бийлик башындагылардын Конституцияны өз пайдасына тууралап келгени – жарандардын өкмөткө ишениминин жоголушуна себеп болгону айтылды. Буга шайлоо учурунда атуулдардын үчтөн бири гана добуш берүүгө катышып жатканы негиз кылып көрсөтүлдү.
Жарандык агартуу мектеби 2014-жылдын ноябрынан бери эксперттердин катышуусунда түрдүү талкууларды уюштуруп келет.
Эгемен Кыргызстандын Баш мыйзамы 1993-жылы кабыл алынган. Андан бери бир канча жолу өзгөртүрүлгөн. (SE)
