Ош шаарында 16-февраль күнү эки граната менен колго түшкөн жергиликтүү тургун “мыйзамсыз курал сактаган” деген айып менен камакка алынды. Шаардык ИИБнын маалымат кызматынан билдиришкендей, мурда соттолгон 31 жаштагы жаран РГД-5 үлгүсүндөгү гранаталарды сатуу үчүн кардар издеп жүргөн жеринен кармалган. Учурда гранаталардын кайдан алынганы тууралуу маалымат текшерилүүдө.
Бир күн мурда Кара-Суу районунун Кашкар-Кыштак айылынын 24 жаштагы тургуну 16 калибрлүү мылтыкты 16 огу менен сактап жүргөнү аныкталып колго түшкөн болчу. (YI\SE)
