Шаардагы №21 орто мектептин 3-классынын окуучусу муунуп каза болгонун медициналык экспертиза тастыктады. Бул тууралуу облустук ИИБнин басма сөз кызматынан “Азаттыкка” билдиришти.
Маалыматка караганда, 2-февраль күнү кечинде өспүрүм баланын жансыз денеси асылып турган жеринен табылган. Андан соң өлүмдүн себебин текшермекке медициналык экспертиза дайындалган.
Кийинчерээк окуучунун ата-энеси уулу үй-бүлөлүк жагдайга байланыштуу асынып алгандыгын билдиришкен. Милициядан билдиришкенине караганда, окуя болордон мурда баланы ата-энеси тилдеп койгон.
Маалыматка ылайык, өткөн жылы облус боюнча 25 өспүрүм өзүнө-өзү кол салган. Суицидге барган балдардын дээрлик бардыгы колунда бар үй-бүлөлөрдөн. Расмий маалымат боюнча, 2014-жылы Кыргызстанда 540тан ашуун адам өз өмүрүнө кол салган.(RsK)
