Акын Алыкул Осмоновдун 100 жылдыгын карата “Алыкул Осмонов энциклопедиясы” китеби республикалык окумуштуулардын, журналисттердин, жазуучулардын катышуусу менен коомдук башталышта даярдалды. Бул тууралуу “Азаттыкка” Улуттук илимдер академиясынын вице-президенти, академик Абдылдажан Акматалиев билдирди.
Акматалиевдин айтымында, энциклопедиялар бүгүнкү күндө гуманитардык багыттагы адистер үчүн гана эмес, жалпы эле коомчулук үчүн керектүү эмгектер болуп эсептелет. Китептин чыгышына жеке демөөрчүлөр колдоо көрсөтүүдө.
Буга чейин Улуттук илимдер академиясы “Токтогул Сатылганов энциклопедиясын” чыгарган. (ZA)
