Орусиялык газ гигантынын башчысы Алексей Миллер 24-февралда Украинаны көгүлтүр от үчүн кезектеги төлөмдү убагында төлөгөн жок деп айыптап, газ берүүнү токтоторун эскертти. Ал эми “Нафтогаз” 114 млн. куб метр көгүлтүр от үчүн алдын ала акы төлөнгөнүн, бирок бүгүнкү күнгө чейин болгону 47 млн. куб метр гана газ алганын билдирүүдө. Газпром өз кезегинде орусиячыл жикчилдер бийлик кылган Донецк менен Луганск облустарына да газ берип жатканын билдирип, бул аймактарды Нафтогаз менен келишилген келишимдин бир бөлүгү катары эсептээрин айтат.
