«Достукта чек ара жок» деген аталыштагы иш-чара Баткен шаарында өткөрүлдү. Иш-чарага Тажикстандын Согди облусунан келген Ооган согушунун 25 ардагери, чек аралаш айылдардын жаштары жана Баткен облусунун өкүлдөрү катышты. Бул демилге чек аралаш аймакта жарандык коомдук кызматташууну чыңдоо жана достукту бекемдөө максатында уюштурулду. Эки өлкө өкүлдөрү футбол ойноп, мындан ары демилгени салтка айландырууну макулдашты.