Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 08:20

Таласта экстремизмге шектүүлөрдүн үйү тинтүүгө алынды


Талас шаарынын 39 жаштагы тургунунун үйүнөн экстремисттик деп шектелген адабияттар жана аудио-видео материалдар табылды.

Тинтүү иштерин “Экстремист” деп аталган атайын рейддин жүрүшүндө, ыкчам маалыматтарга таянып облустук Ички иштер башкармалыгынын кызматкерлери 25-февралда жүргүзгөн. Ошондой эле 33 жаштагы дагы бир тургундун үйүнөн кыргыз, казак, араб, англис жана орус тилдеринде жазылган диний китептер, таратма баракчалар табылган.

Алынган буюмдар экспертизага жөнөтүлдү. Эгер алар радикал маанайда экени аныкталса, үй ээлери камакка алынарын облустук милициядан “Азаттыкка” билдиришти.

УКМК кызматкерлери 24-февраль күнү Ысык-Көл облусунда жүргүзүлгөн текшерүү учурунда “Хизб ут-Тахрир” диний-экстремисттик уюмунун активдүү үч мүчөсү кармалганын билдирген.

Ушул күндөрү экстремизмге каршы күрөшүү багытында бардык аймактарда издөө-иликтөө иштери күчөтүлгөн. (SE)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG