“Эл достугу жана биримдиги үчүн” кыймылы Украинанын чыгышында жашаган карапайым элге жардам берүү чакырыгы менен бүгүн Бишкекте маалымат жыйын өткөрөт. Бул тууралуу аны уюштуруп жаткандар кабарлады.
Алар жалпыга маалымдоо каражаттары аркылуу кыргыз бийлигине согуштан жабыркагандарга гуманитардык жардам жөнөтүү боюнча кайрылуу жасашмакчы. Демилге аталган кыймылдын төрайымы Клара Ажибековага, Улуу Ата Мекендик согуш ардагерлеринин республикалык кеңешине жана бир катар орусиячыл уюмдарга таандык. (SE)
