Бүгүн, 4-мартта Ош шаардык мэриясынын коллегиялык жыйынында 2013-жылдагы бюджеттин аткарылышы тууралуу Эсеп палатасынын маалыматы угулат. Бул тууралуу мэриянын басма сөз кызматы кабарлады.
2009-жылдан 2013-жылдын аягына чейин Ош шаарын Мелис Мырзакматов башкарып келген. Ал 2014-жылдын башында кызматтан алынгандан кийин бир нече мыйзам бузууга жол берди деп, камакка алуу тууралуу сот чечими чыккан. Ал өзү тергөөгө келбей, чет өлкөдө жүрөт. (YI)