Бүгүн Бишкекте “Мутакаллим” уюму "Исламдагы аял жана анын кийими" аттуу жыйын уюштурат. Алар шариат аялга кийимдин түсүн тандоого чектөө койбогонун, заман агымына жараша аял киши коомдук иштерге активдүү катышууга укуктуу экенин элге түшүндүрмөкчү.
Бул тууралуу “Азаттыкка” аталган уюмдан кабарлашты. Кыргыз улуттук драма театрында өтө турган иш-чарада түрдүү агымдар тарабынан таңууланып жаткан ар кандай формадагы хижабдардан баш тартып, заманбап, улуттук колориттеги диний кийимдерди кийүү маселеси көтөрүлөт. Бул үчүн дизайнерлер сунуштаган көйнөк, жоолуктардын коллекциясы көрсөтүлөт. (SE)
