Газ жана желим октуу куралы бар жарандар май айына чейин милицияга маалымат бериши керек. Шаардык ички иштер башкармалыгы бул боюнча атайын текшерүү жүргүзө баштаганын мекеменин басма сөз кызматы билдирди. Өнөктүк кылмыштуулуктун алдын алуу жана жасалган мыйзам бузуулардын бетин ачуу максатында уюштурулууда. Текшерүү учурунда милиция кызматкерлери куралды атып көрүп, октун үлгүсүн алышат.
Ички иштер башкармалыгындагы маалымат боюнча, Ош шаарынын тургундарында 365 желим октуу курал бар.(YI)
