Баткен шаарында ынтымак жана достукту чыңдоо максатында кыргыз-тажик жаштарынын ортосунда ат оюндары уюштурулду. Спорттук иш-чарага Баткенден жана кошуна Тажикстандан ат ышкыбоздору келип катышты. Акыркы убакта облус аймагында ат спортуна кызыккандардын саны көбөйүүдө. Мындай мелдештер чек арада жашаган эки мамлекеттин тургундары ортосундагы ынтымакты бекемдөөгө өбөлгө болот дешет уюштуруучулар.